გაამწვანე შენი ავტომობილი" - გარემოს დაცვის საერთაშორისო დღე
5 ივნისს, გარემოს დაცვის საერთაშორისო დღესთან დაკავშირებით ორგანიზაციამ “საქართველოს ალიანსი უსაფრთხო გზებისთვის” ავტომობილების ინსპექტირების ორგანოების ასოციაციასთან ერთად კამპანიის “სუფთა ჰაერისთვის” ფარგლებში ღონისძიება გამართა.
რესპუბლიკის მოედანზე მცენარეებით შემოსილი ავტომობილის მწვანე კონსტრუქცია დაიდგა გზავნილით - “გაამწვანე შენი ავტომობილი”.
ღონისძიების მიზანია საზოგადოების ცნობიერების ამაღლება პერიოდული ტექნიკური ინსპექტირების მნიშვნელობაზე.
ორგანიზატორებმა მოუწოდეს მძღოლებს ავტომობილის ტექ-ინსპექტირებით თავიანთი წვლილი შეიტანონ ჰაერის ხარისხის გაუმჯობესებაში.
ღონისძიებაზე ასევე განთავსდა მწვანე სტარტაპების მოდელები და ახალგაზრდების ფოტო-ნამუშევრები სუფთა ჰაერის თემაზე, რომელიც მკაფიოდ გამოხატავს არსებულ ვითარებას და ხაზს უსვამს ტექ-ინსპექტირების მნიშვნელობას.
ღონისძიებაში მონაწილეობა მიიღეს როგორც საჯარო, კერძო და სამოქალაქო სექტორის წარმომადგენლებმა. მოწვეულ სტუმრებში იყვნენ საქართველოს პარლამენტის გარემოს დაცვის კომიტეტის თავმჯდომარე კახა კუჭავა, ევროკომისიის ელჩი საქართველოში იანუშ ჰერმანი.